حقيقة الاكذوبه تامر حسني

حقيقة الاكذوبه تامر او بدوي عبد المحسن عباس فرغلي وانكار لقب نجم الجيل ال اطلقه علي نفسه
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 صرخه من المصريين والفيس بوك لشطب المدعو تامر حسني من نقابة الموسيقيين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


المساهمات : 101
تاريخ التسجيل : 05/04/2009
العمر : 40

مُساهمةموضوع: صرخه من المصريين والفيس بوك لشطب المدعو تامر حسني من نقابة الموسيقيين   الأحد أبريل 05, 2009 5:58 pm

صرخه من المصريين والفيس بوك لشطب المدعو تامر حسني من نقابة الموسيقيين



عنوان الجروب ع الفيس بوك

http://www.facebook.com/groups.php?ref=sb#/group.php?gid=67360510070


بصوا ياجماعه الجروب دا مش هدفه اننا نتريق على تامر ولا اننا نقول انه بيقلد الفنانين الكبار ولا اننا نقول انه بيسرق الحان وتوزيعات والكلام دا


الجروب دا هدفه اكبر من كده بكتير ويارب صوتنا يوصل لكل المسؤلين اللي يقدروا يساعدونا في اللي احنا عايزين نوصله وانتوا كمان لازم تساعدوني


انا مش بتكلم بلساني انا بس انا بتكلم بلسان معظم الشباب اللي زيي وبنادي وبطلب من نقيب الموسقين شخصيآ ضرورة وسرعة شطب تامر حسني من النقابه وعدم اعتباره فنان او مغني او اي شئ من هذا القبيل لانه بجد لاينتمي للفن بأي شكل


مين هو تامر حسني؟؟؟؟؟

واحد شوية مراهقين و تافهين و تفكيرهم فى منتهى السطحية اطلقوا عليه نجم الجيل


مين دا عشان يبقى نجم الجيل وعمل ايه عشان يبقى نجم الجيل في تلت اربع سنين
يعني نفتكر ايه لما نقول تامر حسني ؟؟؟


اغاني تافهه وكلمات مبتذله والفاظ قذره وافلام ساقطه وغرور متناهي وعدم احترام للفن ولا للجمهور ولا للفنانين الكبار اللي هو اتربى على صوتهم وفنهم زينا كلنا


بجد هو دا التاريخ اللي قدر يبنيه تامر حسني ويحققه في زمن قياسي


اكيد كلنا بنسمع عن حوارات تامر اللي مبتخلصش مره عن عمرو دياب ومره عن منير وأخيرآ وصلت بيه البجاحه والوقاحه انه بيقارن نفسه بأم كلثوم وعبد الحليم حافظ

تخيلوا بقى قمة السزاجه والهبل والغرور اللي وصلها الشخص دا .. يعني مش كفايه انه يقارن نفسه بالهضبه عمرو دياب وبالملك محمد منير دا كمان بيحط اسمه جنب اسم كوكب الشرق والعندليب وياريت على كده وبس دا بيقول ان هو احسن منهم كمان .. تخيلوا ؟؟؟؟؟


تامر باشا نجم الجيل بيقول ان حفلاته الخيريه في محافظات مصر اهم من حفلات ام كلثوم اللي عملتها للمجهود الحربي


بجد لاتعليق .. تامر بيقول ان حفلاته اللي كل اللي بيحصل فيها ان البنات يترموا عليه ويحضنوا ويبوسوا فيه اهم من حفلات ام كلثوم اللي ماتت من اكتر من 25 سنه ومع ذلك لسه عايشه بفنها وصوتها وتاريخها


ومش بس كده دا كمان قال ان الجمهور السوري استقبلني استقبال اسطوري زي اللي استقبلوا بيه ام كلثوم
وعبد الحليم


بجد مش عارفه اقول ايه تامر اللي مكتبته كلها عباره عن 4 شرايط بيقارن نفسه بعمالقه واساطير الزمن نفسه مقدرش على محو تاريخهم او حتى مجرد هزه


دا طبعآ غير القضيه الشهيره بتاعته

انا شايفه انها تهمه مخله بالشرف قبل ماتكون تهمه يعاقب عليها القانون لان اللي يزور ويرشي عشان يتهرب من اداء الواجب لوطنه اللي هو في نفس الوقت بيغنيله وبيهتفله بشعارات كدابه دا يبقى انسان منافق وميستحقش انه يعيش في البلد دي


مش نروح احنا بقى نكافئه على جريمته ونوقف تنفيذ الحكم وبدل مانعاقبه نخرجه من السجن بمنتهى البساطه ومن غير عقاب بشكل مستفذ ويشجع على مخالفة القانون واستهتار كل الناس اللي عايشه في البلد


يعني دا لو كان مواطن عادي مش تامر حسني المغني كنتوا هتحكموا عليه بسنه مع ايقاف التنفيذ في قضيه الحكم فيها بيبقى على الاقل 7 سنين؟؟


ومش بس كده دا كمان نعمله ضجه كبيره قوي ونطلع في مظاهرات عشانه ونعمل اعلانات في الشوارع ونكتب عليها وحشتنا ياتامر ونحول تامر لبطل قومي مظلوم واتجنى عليه ونطلق عليه لقب يضيع سمعة بلدنا


بجد انا مش عارفه الناس اللي عملت كده دي بتفكر ازاي وازاي وصلت بيهم السزاجه والغباء في انهم يحولوا مجرم لمجني عليه ويكافئوه بأنهم يطلقوه عليه لقب وهو في الجيش

هي الالقاب بتتاخد كده من غير اي تعب ولا مجهود ولا شغل بنسمعه او بنشوفه وكمان يبقى اللقب دا ملك الجيل؟؟


طب شوفوا أي حاجه تانيه غير ملك الجيل او نجم الجيل دا عشان احنا كده نبقى بنضيع سمعة بلدنا بأدينا


فعلآ لو تامر دا قولنا عليه نجم الجيل يبقى احنا كده بنضيع سمعة بلدنا


انتو فاهمين خطورة اللقب دا ؟


يعنى واحد بيمثل جيل بأكمله في اسلوبه وسلوكه وتطلعاته وشكله وتصرفاته واخلاقه ومبادئه وكل حاجه


لو واحد زي دا نجم الجيل

يبقى دا جيل مهبب وعليه العوض ومنه العوض في الجيل كله


انا بطالب بشطب تامر حسني من نقابة الموسيقيين لانها مش مكان لتامر ولا عمرها هتكون مكان لكلمات زي دي بتتحط في حاجه المفروض ان اسمها اغنيه مش فيلم سكس ولا خناقه ولا قهوه بلدي(( و قفتى تتنطتى و تتشقلبى و زغرطى يا منحرفة و اعتزرى وكل كلامك هم وقلبي اتفلق نصين عشان يبقى الحلق ))ء


بزمتكوا في واحد محترم وبيحترم جمهوره اللي بيسمع اغانيه يقول (( اصلآ مبقاش فيكي حاجه من الحاجات اللي بتغريني؟؟؟ ولا خليه يسامحني اصل انا اخدت كل حاجه في عهدي وشوفي عهدي كان كام سنه؟؟؟ ولا بصي لكل
حاجه فيكي اكيد هتفتكريني؟؟ ولا انا كنت فاكرها ليا واتاريها لاي حد؟؟ ))ء


سيبكوا من الكلام اللي فيه ايحائات جنسيه واضحه وصريحه دا.. لكن في واحد يقول في اغنيه (( تبقي ياحبيبتي غلطانه واتجننتي في عقلك.. واطلع من راسي.. وصحصح حبه وفوق ؟؟؟؟ )) هي اغنيه ولا خناقه ولا ايه بالظبط عايزه افهم


هي دي الاغنيه؟؟


هو دا الجيل يانجم الجيل؟؟


هي دي اللغه والافكار والرساله اللي انت بتوصلها للجيل يانجم الجيل؟؟


هو دا الشخص اللي يستحق اننا نسانده ونقف وراه ويبقى وجهتنا على العالم؟؟


هو دا الفن اللي هيوصلنا للعالميه؟؟


هو دا اللي هيخلي الغرب يعرفوا ان مصر فيها فن؟؟


فعلآ تامر هيوصلنا للعالميه بس هيوصلنا فى جايزه اسوء مطرب .. احقر فيلم .. اسفل اغنيه .. اردء الحان .. اسوء كلمات


يعنى هيوصلنا بفضيحه


وليهم حق يقولوا ان احنا دول العالم التالت ويتهمونا بالجهل ويقولوا ان مافيش عندنا فن


لما يشوفوا واحد زي دا بقى نجم الجيل رغم كل فضايحه ورغم المستوى الحقير اللي بيقدمه في فنه وانا اسفه اني بقول عليه فن


بجد ياجماعه انا معنديش كلام تاني اقوله بس ياريت نفوق قبل مانضيع ويضيع كل الجيل والحمد لله ان في ناس لسه مدخلتش في الغيبوبه ورافضين ان تامر يتفرض علينا بالطريقه دي وإن يبقى هو دا الشخص اللي بيمثل جيلنا لان اكيد جيلنا في ناس احسن واكثر احترامآ واخلاقآ من الشخص دا ممكن هي تقوم بالدور دا


عدل سابقا من قبل Admin في الثلاثاء مايو 12, 2009 2:37 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tamernono.yoo7.com
?????
زائر



مُساهمةموضوع: اللينك مش شغال   الإثنين مايو 11, 2009 5:59 am

اللينك بيفتح صفحة سيرش مش جروب
ياريت تحطوا اللينك الصحيح
الرجوع الى أعلى الصفحة اذهب الى الأسفل
 
صرخه من المصريين والفيس بوك لشطب المدعو تامر حسني من نقابة الموسيقيين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حقيقة الاكذوبه تامر حسني :: اخبار وبلاوي تامر-
انتقل الى: