حقيقة الاكذوبه تامر حسني

حقيقة الاكذوبه تامر او بدوي عبد المحسن عباس فرغلي وانكار لقب نجم الجيل ال اطلقه علي نفسه
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 رســـالـــــــه إلـــــــى تـــــــــامـــــــر حـــســــنــــــى من الفيس بوك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


المساهمات : 101
تاريخ التسجيل : 05/04/2009
العمر : 40

مُساهمةموضوع: رســـالـــــــه إلـــــــى تـــــــــامـــــــر حـــســــنــــــى من الفيس بوك   الإثنين أبريل 27, 2009 10:01 am

رســـالـــــــه إلـــــــى تـــــــــامـــــــر حـــســــنــــــى من الفيس بوك



بسم الله الرحمن الرحيم

إلى مطرب الجيل ( كما يدعى على نفسه ) .. إلى تامر حسنى

أولا الرسالة دى كتير جدا من الناس هتستغربها لأنها الأولى من نوعها عارف ليه .. أقولك أنا ليه
الرساله دى ياتامر فيها اراء أكتر من 30 ألف شخص على الفيس بوك اتفقوا على ( كره تامر حسنى ) .. الرسالة دى تقراها وتنفض براحتك .. تقراها وتعمل بيها برضه براحتك احنا مش هنخسر حاجه بس صدقنى انت الخسران الأول
بص بقى يامن تلقب نفسك بنجم الجيل .. جيل ايه اللى حضرتك نجمه ان شاء الله ! .. وفين الجيل أصلا .. ومين اختار اللقب ده ؟!
ازاى ياتامر تبقى نجم جيلك وانت أكتر واحد فى الجيل مكروه وهقولك مكروه ليه بس اصبر عليا فى الكلام
تانى حاجه ياتامر عايزك تفكر وتسأل نفسك وتقول ( اشمعنى أنا ) ليه مش المطرب كذا او كذا اللى ناس دى تجتمع على كرهه .. ماهو أكيد فى حاجه غلط !

للأسف اى حد من جمهورك هيقرا الكلام ده دلوقتى هيقول ( غيرانين منه وبيحقدوا عليه ) ! ..
طيب قولنا هنغير منك ليه ونحقد عليك ليه ؟! ..
هل الناس اللى بتكرهك دى كلها كانت نفسها تطلع مطربين وحضرتك بقيت نجم عشان كده احنا بنغير ؟!
هل كل واحد فينا هيغير منك عشان انت اتهربت من اداء الخدمه العسكريه واحنا لأ ؟! ...
هل مثلا هنغير منك عشان انت دخلت السجن واحنا لأ ؟! ..
هل هنغير منك عشان مش عندنا شعر فى صدرنا ؟! ..
هل بقى هنغير منك وده الأهم ان فى اكتر من 30 الف شخص بيكرهوك على موقع الفيس بوك بس .. فما بالك بقى بالناس اللى مش بتعرف تتعامل مع الكمبيوتر أصلا !

ييجى واحد من جمهورك واللى حبه ليك عماه عن انه يشوف عيوبك يقولك ( لأ انتوا بتغيروا عشان هو ناجح ) !
طيب سبحان الله ما عمرو ناجح ومنير ناجح وفؤاد ناجح .. سيبك من دول
الجيل بتاعك أبسط مثال حماقى ناجح ورامى ناجح وحسام ناجح وعمرو مصطفى ناجح ... الخ ، كل دول ناجحين ليه احنا مش بنحقد عليهم !

أقولك انا ليه .. ببساطه لأن هما اهتموا بشغلهم ومحدش فيهم اهتم انه يطلع لقب على نفسه .. محدش فيهم فكر يتنطط كل خمس دقايق فى برنامج ... محدش فيهم اهتم ان كل يوم ينزل عنه 5000 خبر فى الجرايد لحد مازهقنا .. محدش فيهم اتبع نظام ( السهوكه ) .. غير كده وكده احترموا جمهورهم .. محدش فيهم طلع قال ( خليها تاكلك ) .. محدش فيهم قال ( اكتر حاجه بحبها فيكى هو ده ) ! .. هو ايه ياتامر اللى بتحبه فيها ؟!
ويعنى ايه تقول لواحده اعتذرى للى هييجى بعدى عشان انا ... ، ولا بلاش اكمل نظرا لأن فى بنات محترمه بتقرا الكلام ده
بص وبغض النظر كمان عن الكلمات الرديئه والألحان التعبانه اووى اوووى والمزيكا المستهلكه احنا مش هنا عشان نقيم مستواك الفنى لأننا مش خبرا .. بس احنا جمهور ذواق وبيعرف يميز الحلو من الوحش .. بنعرف يعنى ايه لحن حلو بيعلم مع الناس وبنعرف يعنى ايه توزيعات وانواع مزيكا والات موسيقيه وللاسف ده ياتامر اللى لسه موصلكش لما يكون اخر ألبوم ليك فى 5 مقسوم تعبان من 14 أغنيه والحان ضعيفه وتوزيعات تقليديه بإستثناء أغنيه أو اتنين يبقى تراجع نفسك ..
المفروض جمهورك ياتامر ينقدك نقد بناء ويقولك رأيه بكل صراحه .. انما للأسف انا وغيرى بنضحك على جمهورك اللى غالبا مش عارف الفرق بين اللحن والتوزيع وتيجى تكلم اى حد فيهم يقولك ده صوته حلو وحساس اوى .. طيب وفين باقى عناصر الأغنيه !

نيجى بقى لتصرفاتك وأفعالك المستفزه .. بص ياتامر محدش فينا ملاك وكلنا عيوب وعندنا ذنوب بس ليه انت مضطر تعاند وتكابر وتزيد فى الغلط !
احنا هنا مش هنحاسبك ( دع الخلق للخالق ) بس احنا من حقنا نقول لأ ونعترض عليك خاصه ان فى اطفال وبنات كتير فى سن المراهقه بيحبوك وبيقلدوك للأسف وانت قدوتهم !
هل اخرتهم ان انا الاقى طفل مكملش 10 سنين بيعاكس بنت كبيره ويقولها ( هو ده .. استمرى ! ) ومش عايز اقولك شاور ازاى ولا عمل ايه بإيده .. بجد موقف مستفز بس تقول لمين بقى
هل يرضيك ياتامر ان لو كان ليك اخت تطلع تحضن وتبوس مطرب على الستديج قدام الناس الكتير دى !
ياتامر اتعلم من مطربين غيرك وليهم عشاق اكتر منك يوم لما حد بيطلع على الاستديج بيتعاملوا ازاى ؟! .. وايه لزمة البودى جاردات اللى حواليك .. ولا هما بيمنعوا الولاد بس ؟!

أنا عايزك متفكرش انك تمشى بقميص من غير زراير او تعلق فلاشه فى رقبتك دى شطاره !
متفكرش انك لما تطلع فى برنامج او اى حوار وتقول على الناس اللى بتكرهك دول اعداء نجاح وربنا يتولاهم وانت اساسا مفتكرتش تعرف احنا بنكرهك ليه .. تبقى دى شطاره !

المشكله انك مش عارف تدافع عن نفسك وبتدعى كلام ميصدقوش طفل صغير وتقول اننا مسندوين من مطرب كبير .. طيب وهو فى مطرب كبير هيفضالك ويسيب شغله ولما هو كبير هيبص للى تحت منه ليه؟!
الأغرب من كده انك بتقول نكت فى حواراتك وتقول لجمهورك والإعلام ان كتير جدا من اللى فى الجروب ده بيحبوا تامر !

طيب ياتامر بما انى أدمين الجروب أنا بقولك انك لو طلعت 10 فى الجروب بيحبوك أنا هقفله
من الصبح وياريت متخبطش اى كلام والسلام
لأن الجروب ده كله متقفل ناس بتكرهك
وهعرضلك اراء بعض الناس فيك وهما معانا هنا فى الجروب وهشيل منها الألفاظ الجارحه
-----------
ahmed roca العضو
- بصراحة , كتير عليه اننا نعمله اهتمام ونعمله جروب عشان نعبر عن كرهنا له
بني ادم ما بيحبوش غير شوية مراهقين , ولاد سيس وبنات فاضيه , مش عارف بيحبوا فيه ايه بشعر صدره اللذيذ ده

يمكن صوته مش وحش , ولما طلع في البداية باغنية حبيبي وانت بعيد شدني , وكان واخد ستايل كويس , مره واحده اخلاقه وبيئته الأصليه بدأت تظهر , وتربية الحواري بانت عليه
**** , مش محترم , كلمات اغانيه هابطه , وخصوصا الاغاني اللي هو بيكتبها

مافيهوش حاجه تتحب , وباقول لكل اللي بيحبوه ربنا يرجعكم لعقلكم يا رب
---------------
Mohamed moustafa العضو
1-shayef nafso we howa wala 7aga
2-beyetla3 be kodwa saye2a lel moraheken
3-faker en kol 7aga momken yeshtereha befeloso
4-faker eno momken yeb2a 7aga feel balad we howa wala 7aga
5-kalemat a3'aneh mesh 7elwa

------------
Shaimaa Ali Mahran العضوه
هو مش كره على قد مهو انتقاد لتامر حسني في حاجاااااااااااااااات كتيييييييييييييير غلط بس كتير من البنات والولاد مهوسين بيه على ايه مش عارفه
مزور غشاش وقال ايه يوم اكتوبر غنى لمصر كده يبقى اعتذرلها
لبسو الغريب الي على طول عريان زيه زي اي مؤديه عريانه
محسس الناس انو دايما مسكين عشان تتعاطف معاه عشان ايه مش فاهمه ؟؟؟؟

----------
Mohamed Essam Eldin العضو

تامر حسني** من المغنيين الذي يتمتعون باحساس عالي في الصوت فقط وليس في الدم ولا في الكرامه ولا ابن بلد ورد سجون طبعا يعني كامل من مجامعيه وانا عن نفسي لو بسمعله حاجه يبقي علشان صوته فقط ولك انت تتخيل ان يكون الانسان عباره عند الناس عن صوت فقط وليس بفنان ولا شخصيه عامه يحبها الناس ((وبالنسبه لاغنية هي دي فهي دي الوقاحه اه هي دي السفاله اه رد سجوووون )) وشكراااااااا
-------------
Nourhan Elsokary العضوه

انا هقول رأيي وبكل صراحة شديدة فى الاخ تامر حسنى بصراحة انا كنت بحبة اول ما طلع لكن بعد كدة مبقتش اطيق اسمعلة اغنية لية لانة حاجة غريبة اللى بيعملو البنات اللى بييجو يترموا فى احضانة أوك اكيد تامر لية معجبين كتير ودة طبعا بعيدا عن كل اللى فى الجروب لكن عندكم مثلا عمرو دياب شعبيتة اكبر من كدة لكن عمرنا ما شفنا علية حاجة من دى ولا شفنا بنات بيطلعو المسرح وهاتك يا بوس واحضان زى ما الاخ تامر مفكر نفسة فى العيد وان دة كلة حلال وحاجة كويسة لكن الكلام الاول والاخير علية هو لية لان فى بودى جاردات بيمنعو اى شخص من انة يطلع على المسرح وبايد الفنان انة يطلعها او لا لو كان تامر مش عاوز يستعرض مكنش قبل ان اى بنت تطلعلة على المسرح يعنى مفيش راجل بيحبة كلهم بنات سبحان الله والله انا لو قعدت اتكلم واكمل كلامى عاوزة عدد لانهائى من المواضيع عشان اشرح وجهة نظرى انى بكرهة لية واسفة على الاطالة
........
أظن ياتامر بعد الأراء دى اتمنى تراجع نفسك تانى على فكره أنا اخترت اكتر الأراء اللى الناس اتكلمت فيها بإحترام
كلمه أخيره .. أنا محبيتش اتكلم عن موضوع تأجير البنات ولا أفلامك التافهه اللى بتطلع فيها بدور الغلبان الطيب واللى ملهاش لا مضمون ولا قصه ولا كمان حبيت اتكلم على الصحفيين اللى بتدفعلهم عشان يلمعوك سواء كان فى جورنال او مجله أو سايت ع النت
كمان محبيتش اتكلم عن مدى القهر اللى الشباب حاسين بيه ناحيتك ببساطه لأنك مزور وبما اننا معانا فى الجروب ناس فى كلية الحقوق وناس شغاله فى مهنة المحاماه فأنا بشكر العضو ( احمد محمد فريد ) اللى اضاف لنا المعلومه
بشكر العضو ( احمد محمد فريد ) اللى اضاف لنا المعلومه دى
نصت الماده" 214 عقوبات" على ان من استعمل الاوراق المزوره وهو يعلم بتزويرها يعاقب بالاشغال الشاقه او بالسجن من ثلاث سنوات الى عشر ..، .

بذمتك مش حلال اننا نكرهك لما تطلع تغنى لمصر وتموت نفسك فى الأغنيه وتقول لو كنا بنحبها نوهب عشانها حياتنا ونلاقيك تانى يوم مزور شهادات تجنيد بلدك مصر .. مصر اللى قريت تعليق عليها فى موقع تامر لافرز من احد محبينك بيقول عليها دوله متخلفه ومن العالم التالت عشان انت مش واخد حقك فيها ! .. فعلا هو عنده حق مش عشان انت مش واخد حقك فيها .. لأ ده عشان فيها واحد زى تامر حسنى يبقى قدوه للشباب ويفلت من عقوبة تزوير أقل حكم فيها 3 سنين .. بجد حرام يا أخى ..، والأغرب انك ليك عين وطالع تغنى لغزه وفلسطين وواخد معاك مصورين الجرايد الفنيه ورايح وفرحان تروح تتصور عند المعبر .. ياعم انت بتضحك على نفسك ولا بتضحك علينا ! .. لو كان جمهور بينضحك عليه وبيصدق أى كلام وبيعتبروك ملاك فاحنا عندنا عقل وبنفهم وبنفرق ومش بنمشى ورا اى كلام والسلام !
الرسالة دى انا كتبتها ومتأكد انها هتوصلك وانت هتقراها واعتبرها من واحد كان بيحبك فى يوم من الأيام

---
شكرا
Ahmed mahmoud
للأسف كان واحد من جمهورك فى يوم من الأيام
وممثل لأراء أكتر من 30 ألف شخص فى جروب كارهى تامر حسنى على الفيس بوك

----------------------------------------------------------

الجروب علي الفيس بوك يا ملايكه او يا شياطين بعد متقرو دول وحتتوزع في كل المنتديات التابعه لتامر
وكمان الغير تابعه
http://www.facebook.com/home.php#/group.php?gid=67360510070

وده الجروب ال حايخلي دماغك تاكلك زي ما انت قلت

http://www.facebook.com/topic.php?uid=67360510070&topic=8581
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://tamernono.yoo7.com
 
رســـالـــــــه إلـــــــى تـــــــــامـــــــر حـــســــنــــــى من الفيس بوك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حقيقة الاكذوبه تامر حسني :: اخبار وبلاوي تامر-
انتقل الى: