We aLL HaTe U TaMeR HoSnY
اهالي بور سعيد مش عايزيين تامر حسني في بورسعيد في شم النسيم
مش عايزيين تامر حسني في بورسعيد في شم النسيم
في يوم من الايام'طلع علينا مغني اسمة تامر حسني و كان
نفسه يكون زي الهضبة عمرو دياب او الكينج محمد منير و كلنا عارفين عمرو دياب و محمد منير عملوا اية عشان يوصلوا في اللي هما فية دلوقت تامر حسني بقي اختار اساليب الفشل اللي خلت الناس بعد ما كنت بتحبة تكرهة و قرب يكون ولا حاجة و طبعا عارفين اللي بيحصل في حفلاتة او اغانية
اول حاجة في اغانية شوفنا حاجات غريبة جدا نزل شريط في رمضان و كان من ضمنة اغنية انا مش عارف اتغير و نزل الكليب بتاعها و بيقول انا مش عارف اتغير و كلنا شوفنا حاجة غريبة انة مصورها في الحمام انا عايز اعرف اية علاقة ان الواحد عايز يتغير بالحمام حد يقول يعني انا مثلا عايز اتغير ادخل الحمام
قولنا خلاص تامر حسني هيتعدل و هينزل حاجة حلوة جيت غني اغنية و قال فيها هي دي اة هو دة وكلنا شوفنا الكليب و بعد كدة قال قلبك علي اساس ان اللي بيتفرجوا مش بيشوفوا حاجة قولنا احنا غلطانيين بعدها بشوية نزل اغنية و حياة امي من سايبك و لكن انا هرد علية و اقولة و حياة امك من سايبك يا تامر يا حسني و علي رأي المثل ديل الكلب عمرة ما يتعدل شوفنا اغنية تانية بيقول فيها قفش طيب ازاي مش عارف جية تاني و قال في الاعلانات الاخيرة بتاعت عمر و سلمي خليها تاكلك طيب ازاي يقول كدة او حد يقولي معناها في الاغنية انا مش عارف سيبكوا من دة ودة ازاي يقول كدة لمي عز الدين ؟؟
اللي عاجبني فية حاجة واحدة انة صريح مش منافق انة مثلا مش اغانية حلوة و حفلاتة وحشة او العكس لكن يا جماعة خلي في الاغاني بتاعتوا كلمات غريبة و طبق عليها في حفلاتة بالتحرش و قلة الادب مش منافق يا جماعة و اخر حفلاتة حفلة المنصورة اللي سمعنا فيها حاجات غريبة و انا منزل فيديوهات عشان اللي سمع بس يتفرج كمان و كمان الاعلام كان لية دور كبير و منهم برنامج 90 دقيقة اللي تابع اللي حصل في الحفلة و بردو نزلتوا فيديو
و انا يا جماعة بورسعيدي و بحب بورسعيد اوي عشان كدة بقول يا ريت ميكونش في حفلة عشان ميحصلش حاجة نرجع نندم عليها و الامن هيعمل اية مش هيكون في ايدة حاجة غير ان يأمن تامر بس و المفروض ان دة الوحيد اللي يتساب من غير تأمين اصلا و ممكن نرجع تاني شم النسيم بتاع زمان واحد يطلع يولع فية و يحط جاز و و يولعوا فية زي الالمبي
عايز من تامر حسني ان يتغير و يرجع زي ما ابتدي كل الناس حبتة اوي ما ابتدي لكن بعد كدة كل الناس ابتديت تكرهوا حبة واحدة واحدة
عايز اقول حاجة للناس اللي بيحبوا تامر حسني ازاي تحبوا واحد هرب من الجيش مش هرب بس لكن زور ورق عشان يهرب الواحد لما يحب يسمع يسمع لحد محترم في كل حاجة في اخلاقة في اغانية دة كل حاجة فية بايظة اغاني و فيها الفاظ غريبة شكل و بيقلد عمرو دياب ممكن واحد من اللي بيحبوا يقول شعر سدرة انا اعتقد انة بيحلق شعر سدرة لكن مش زي الناس طبعا عشان هو تامر حسني هو بيحلقة بماكنة 10 شفرات
اللي بيحبوا دلوقت بيحبوا لية يا ريت حد يجاوب ؟؟؟؟؟؟؟
و انا ماشي تحت البيت شوفت قدامي ناس بيعلقوا اعلانات فاكتشفت ان تامر حسني جاي بورسعيد في حفلة شم النسيم و المعروف ان تامر حسني و الحمد لله يتمتع بكراهية كبيرة اوي و حفلاته كلها فاشلة و اخر حاجة منها حفلة المنصورة و اللي سمعنا فيها عن حاجات غريبة حصلت و تامر حسني اصلا مطرب *********و المفروض تتلغي الحفلة بتاعت شمة النسيم اللي في بورسعيد عشان ميحصلش زي اللي حصل في المنصورة فانا عملت الجروب دة عشان كل اللي مش عايز تامر حسني في بورسعيد
و الحفلة اللي منظمها جامعة قناة السويس
الحفلة في مركز شباب الزهور و انا سامع ان الشوارع اترصفت و البيوت ادهنت و نضفوا الشوارع مش عارف الكلام دة صح ولا غلط بس اللي متأكد منة ان الحفلة في مركز شباب الزهور و الحفلة بعد ما اتنقلت في ناس عايزه تبيع التذاكر عشان مش هتنفع تروح هناك عشان الحفلة بقيت في الزهور عشان المكان بعيد
الحفلة يا جماعة اجرها مخصص لصالح اسكان بورسعيد طيب ازاي المساكن هتتبني بفلوس الحفلة مش عارف ؟؟؟؟؟؟؟؟؟